ནག་ཀྱཱའི་ལབ་རྩེ།    ལབ་ཙེ་འདི་ནི་སྟག་རིག་སྡེ་བ་གྲོང་ཤོག་ཁ་གསུམ་དུ་ཕྱེ་བའི་ནང་ཚན་སྡེ་བ་ཡ་མགོ་མའི་ལྷོ་ཕྱོགས་ཀྱི་མཚམས་ན་རི་བྱད་ལེགས་ལ་ས་མིང་རྣམ་པར་མཛེས་པའི་རི་བོ་ཉག་མོ་བྱ་བ་དང་འདོད་ཡོན་བྱ་བ་གཉིས་ཀྱི་བར་དུ་བརྩིགས་ཏེ་ལབ་ཙེ་མ་བུ་བཅུ་གསུམ་དུ་བཞེངས་ཡོད། འདིའི་གནས་བདག་གི་མིང་ལ་ནག་ཀྱྰ་ཐོགས་མེད་རིན་ཆེན་ཞུ་ཞིང་། ནག་ཀྱྰ་ཞེས་པ་ཚོ་བའི་མིང་ཡིན་ལ། ཚོ་མིང་ལབ་ཙེར་ཐོགས་པས་ནག་ཀྱྰའི་ལབ་ཙེར་འབོད་དོ།།   ལབ་ཙེ་འདི་ཇི་ལྟར་བྱུང་བའི་ཚུལ་ཡང་འདི་ལྟར་ཐོས་ཏེ། དེ་ཡང་སྤྱི་ལོ་༡༦༡༦ཡས་མས་ཙམ་ལ་སྡེ་བ་འདི་ལ་སྟག་རིག་བླ་མར་འབོད་པ། རྟེན་དགེ་བསྙེན། མངོན་ཤེས་དང་རྫུ་འཕྲུལ་ལྡན་པ། གྲུབ་པ་བརྙེས་པ། འཇིག་རྟེན་ཟང་ཟིང་གི་ཡོ་ལང་ཆར་དུ་བསྙིལ་ཡང་འཕྲལ་དུ་གཞན་ལ་གཏོང་བ། སྐུ་ཚེ་གང་བོར་རྣམ་དཀར་དགེ་བའི་ལས་ཁོ་ནར་ཐུགས་གཞོལ་བིའ་སྐྱེས་བུ་ཆེན་པོ་ཞིག་སྐུ་འཁྲུངས་པ་དང་། དུས་ཐོག་དེར་ཉེ་འཁོར་གྱི་གྲོང་ནའང་ནག་ཀྱྰ་ཐོགས་མེད་རིན་ཆེན་དུ་འབོད་པའི་དཔོན་ཤིན་ཏུ་གཉན་པོ། མཐུ་གཏད་ངན་སྔགས་དང་ཁྱད་པར་བྱིས་པའི་སྲི་གཅོད་ལ་ཤིན་ཏུ་མཁས་པ་ཞིག་སྐྱེས་ཡོད་སྐད། རེ་ཞིག་དེ་གཉིས་གང་ཆེ་གང་བཙན་དུ་གྱུར་ཏེ་སོ་སོར་ཁས་ལེན་མ་བྱིན་པས་རིམ་གྱིས་ཕན་ཚུན་དགྲ་ཟླར་གྱུར་ནས་འགལ་བ་ལྟག་སྤྲོད་དུ་གྱུར། ཉིན་ཞིག་དེ་གཉིས་ཀྱིས་སོ་སོའི་ཕྱོགས་ལ་མཐུ་སྔགས་བཙན་པོ་བཏང་སྟེ་དམོད་རེས་བྱས་པར་སུས་ཀྱང་སུ་འདུལ་མ་ཐུབ་པ་མཐོང་བས། སྟག་རིག་བླ་མའི་ཁོག་ལ་གཡོ་ཞིག་ཤར་ཏེ། སྡེ་བའི་མི་རྣམས་སྐུལ་ཏེ་སྐྱེས་པ་ཚོར་ར་ཞིག་གསུར་ལ་ཕུལ་དུ་བཅུག བུད་མེད་རྣམས་ཀྱིས་མྱ་ངན་དྲག་པོའི་ཟོལ་གྱིས་ངུ་ངག་ཕྱུང་ཞིང་ཐམས་ཅད་ལ་སྟག་རིག་བླ་མ་འདས་སོང་ཞེས་སྒྲོག་ཏུ་བཅུག་གོ། དེ་ནས་ནག་ཀྱྰའི་དཔོན་གྱི་ཆུང་མས་དེ་རྣམས་ཐོས་ནས་ཇི་བཞིན་བཤད་པར། དཔོན་དེའི་རྣ་ལ་མ་སོང་བར་རང་ཉིད་ཁང་ཐོག་ཏུ་བུད་ནས་དེ་འདྲ་ཞིག་ཡིན་མིན་ལ་བརྟག་སྐབས། ཁོས་དེ་རྣམས་སྟག་རིག་བླ་མའི་གཡོ་སྒྱུ་ཡིན་པ་ཤེས་མ་ཐག་དངངས་འཚུབ་དང་བཅས་ཕྱིར་འབབ་སྐབས། སྟག་རིག་བླ་མའི་མཐུ་བཏང་བས་སྐས་ཐོག་ནས་སར་ལྷུང་སྟེ་བཀུམ་མོ།། རྗེས་སུ་དམ་སྲི་དེའི་རྣམ་ཤེས་བདུད་དུ་སྐྱེས་ནས་སྟག་རིག་ལ་གནོད་པའི་ལས་མང་དུ་བྱས་བྱུང་བས། གྲུབ་པའི་གོ་འཕང་མཐོན་པོར་གཤེགས་པ་ལྷོ་བྲག་གྲུབ་ཆེན་སེང་གེ་རྒྱལ་མཚན་དཔལ་བཟང་བོ་ལ་དེའི་ཚུལ་ནན་ཏན་དུ་ཞུས་པའི་ངོར། དམ་སྲི་དེ་དམ་ལ་བཏགས་ཤིང་དཀར་ཕྱོགས་སུ་སྐུལ་ཏེ་གཞི་བདག་གི་འཁོར་དུ་བཅུག་ཅིང་། དེ་ནས་རི་དོན་ཡོད་དང་ཉག་མོ་གཉིས་ཀྱི་བར་དུ་ལབ་ཙེ་བརྩིགས་ཏེ་ས་དེའི་གནས་བདག་ལ་བསྐོས་པར་བཤད། གསོན་པོར་བཞུགས་སྐབས་ཁྱིམ་སྔགས་དེར་བྱིས་པའི་སྲི་གཅོད་པའི་ནུས་མཐུ་ཁྱད་པར་བ་མཆིས་ཕྱིར། ད་ལྟའང་ཕྲུ་གུར་ན་སྡུག་རེ་བྱུང་མ་ཐག་ཁྱིམ་བདག་རྣམས་མྱུར་དུ་ལབ་ཙེ་དེའི་ཁར་སོང་ནས་བསང་མཆོད་སྐྱབས་བཅོལ་བྱེད་པིའ་དཔེ་མ་ཡལ་བར་ཡོད་དོ།།
   Offerings to the Mountain God  subjects 5388 For more information about this term, see Full Entry below.Subjects EventTibetan EventCultural EventsMonastic EventFull EntryRelated Subjects (1)Related Places (3)Related Texts (3)Related Audio-video (7)Related Images (1) Amdo  subjects 730 For more information about this term, see Full Entry below.Subjects Cultural RegionsTibetan and Himalayan Cultural RegionsCultural TibetNortheastFull EntryRelated Subjects (5)Related Texts (26)Related Audio-video (42) Triga  places 1176 For more information about this term, see Full Entry below.Feature Type CountyPlaces EarthAsiaChinaQinghaiTsolho Tibetan Autonomous PrefectureFull EntryRelated Subjects (1)Related Places (76)Related Images (192)Related Texts (116)Related Audio-video (81)